1- ابنى شبكة علاقات قوية فى مجالك, وخليك دايما على تواصل معاهم.
2- ادخل فى تجارب ومشاريع مختلفة وطبق اكتر فى مجالك عشان تكسب خبرة.
3- متتكسفش انك تسأل او تتعلم من غيرك مهما كان اصغر او اقل منك.
4- تفاعل على لينكدان بأستمرار, وابنى Profile قوى لنفسك تعرض فيه مميزاتك.
5- اقرا واتعلم عن مجالك اكتر من اى حد تانى,
مواقع زى Slideshare, Youtube او Udemy تعتبر مصدر رائع للتعلم.
6- لازم يكون عندك Career Coach او Mentor, حد مميز تستشيره وترجعله فى قراراتك المتعلقة بمستقبلك المهنى ويوجهك للاحسن.
7- اعرض شغلك بأستمرار و اتكلم عن انجازاتك وازاى حققتها بعد عناء.
8- استثمر فى نفسك وطور منها بهدف انك تكون واحد من افضل الناس فى مجالك.
9- زكى عن علمك بأستمرار عن طريق انك تساعد غيرك على النجاح ولو بالنصيحة اللى كنت محتاجها وانت فى مكانه.
الخلاصة:
افضل فرص فى مجالك بتروح للمميزين, للناس اللى نجحت انهم يظهروا نفسهم وشغلهم فى وسط الزحمة والمنافسة.
انت ممكن متكنش افضل واحد فى مجالك,
بس ممكن تعرض نفسك وشغلك افضل من اى حد تانى فى مجالك.
اظهر نفسك وسط الزحمة, والفرص هى اللى هتجيلك.
ليست هناك تعليقات :
إرسال تعليق